Blog

ཕྱི་ལོ་༢༠༢༤ ཟླ་༡༢ ཚེས་༢༢ རེས་གཟའ་ཉི་མ་ཉིན། གྲྭ་ཚང་གི་ཆོས་སྲིད་གཉིས་ཀྱི་དབུ་ཁྲིད་༧སྐྱབས་གནས་མཁན་རིན་པོ་ཆེ་མཆོག་གིས་དབུས་དབུ་ཆོས་རྣམ་གསུམ་དབུ་བཞུགས་ཐོག སློབ་སྤྱི་དང་སློབ་གྲྭའི་དགེ་ལས་ཡོངས། དེ་བཞིན་གྲྭ་ཚང་གི་བླ་སྤྲུལ་དགེ་བཤེས། དགེ་འདུན་འདུས་པ་རྒྱ་མཚོ་འཚོགས་པའི་དབུས། དཔལ་ལྡན་སློབ་སྤྱི་མཆོག་ནས་རྒྱུགས་ཞིབ་དང་། མ་འོངས་པར་སློབ་ཚན་འཚོགས་ཕྱོགས་དང་འབྲེལ་བའི་གསུང་བཤད་དང་། ༧སྐྱབས་གནས་མཁན་རིན་པོ་ཆེ་མཆོག་ནས་སློབ་གཉེར་གནང་ཕྱོགས་ཀྱི་བླང་དོར་བཀའ་སློབ་དང་འབྲེལ་སིང་གྷ་པུར་འགྲོ་ཕན་གླིང་ཆོས་ཚོགས་ཀྱི་ཚོགས་མི་ཡོངས་ནས་ལོ་ངོ་ཉི་ཤུ་ལྷག་ཙམ་རིང་གྲྭ་ཚང་འདི་ཉིད་ལ་ཕྱག་རོགས་གནང་དང་གནང་མུས་ཡིན་པ་མ་ཟད། ད་རེས་འདིར་ལོ་འཁོར་ཡིག་ཚད་ཀྱི་གྲུབ་འབྲས་གསལ་བསྒྲགས་སུ་ཕེབས་པར་ཐུགས་རྗེ་ཆེ་ཞུ་དང་། སྦིས་ཧར་ནས་ཕེབས་པའི་སྐུ་མགྲོན་གཉིས་དང་། མདོར་ན་གྲྭ་ཚང་འདི་ཉིད་ལ་སྔ་ཕྱི་བར་གསུམ་དུ་ཕྱག་རོགས་གནང་མཁན་ཡོངས་ལ་ཐུགས་རྗེ་ཆེ་ཞེས་གསུང་གྲུབ་མཚམས་འདི་ལོའི་ལོ་འཁོར་རྒྱུགས་སྤྲོད་ཀྱི་གྲུབ་འབྲས་ཨང་རིམ་ཁག་གསལ་བསྒྲགས་ཞུས་ཡོད། དེ་ཡང་ཨང་རིམ་དང་པོ་ནས་ལྔ་པའི་བར་གྱི་ཨང་རིམ་རྩེར་སོན་རྣམས་ལ་དགའ་ཤར་ཤེས་ཡོན་ལྷན་ཚོགས་དང༌། དགའ་ཤར་ཕུ་ཁང་ཕུན་ཚོགས་ཆོས་གླིང་བླ་བྲང༌། དགའ་ཤར་དཔེ་མཛོད་ཁང་། སོག་པ་སྤྲུལ་སྐུ་དམ་ཆོས་རིན་པོ་ཆེ་བཅས་ནས་ལེགས་སྐྱེས་བྱ་དགའ་གསོལ་རས་གནང་བ་མ་ཟད། མཐའ་དོན་དཔལ་ལྡན་སློབ་སྤྱི་མཆོག་ནས་སིང་གྷ་པུར་ཤཀྱཱ་མུ་ནེ་ཆོས་ཚོགས་དང་། སོག་པ་སྤྲུལ་སྐུ་དམ་ཆོས་རིན་པོ་ཆེ་གཙོས་པའི་ལེགས་སྐྱེས་བྱ་དགའ་གནང་མཁན་ཡོངས་ལ་ཐུགས་རྗེ་ཆེ་ཞུས་པའི་བརྙན་དཔར་དང་གནས་ཚུལ་སྙིང་བསྡུས་སུ། On Sunday, December 22, 2024, the school held a ceremony to announce the annual examination results. The event was presided …

On August 3, 2024 (Saturday), Mr. Shankar Gowdi the Tehsildar of Mundgod, and Mr. Jampa Kalsang, the director of the Karma Foundation, among others, paid a special visit to Gaden Choeling School. They inspected various school activities, regular teaching methods, …

༄༅། །ཕྱི་ལོ་ ༢༠༢༤ ཟླ་བ་ ༠༧ ཚེས་ ༡༥ ཉིན་བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་གིས་རྒྱ་གར་གྱི་རྒྱལ་ས་ལྡི་ལིར་རྒྱ་གར་རྒྱལ་ཡོངས་དབུས་འབྲིང་རིམ་ཤེས་ཡོན་ལྷན་ཚོགས་ (Central Board of Secondary Education) ཀྱི་དྲུང་ཆེ་ཧི་མཱན་ཤུ་གུཔྟཱ་ (Himanshu Gupta) ལགས་དང་མཇལ་འཕྲད་གནང་ཡོད། སྐབས་དེར་ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་གིས་དགའ་ལྡན་ཤར་རྩེ་ཐོས་བསམ་ནོར་གླིང་གྲྭ་ཚང་གི་སློབ་གྲྭ་དེ་བཞིན་དབུས་འབྲིང་རིམ་ཤེས་ཡོན་ལྷན་ཚོགས་སུ་ཁོངས་སུ་འཇུག་རྒྱུར་དམིགས་བསལ་དགོངས་བཞེས་ཡོང་བའི་རྒྱབ་གཉེར་རེ་སྐུལ་ཞུས་ཤིང་། དྲུང་ཆེ་ཧི་མཱན་ཤུ་གུཔྟཱ་ལགས་ཀྱིས་རྒྱབ་གཉེར་སྙན་ཞུར་གཟིགས་ཞིབ་ཀྱིས་རྒྱབ་སྐྱོར་གནང་ཐུབ་གནང་རྒྱུའི་ཞལ་བཞེས་གནང་ཡོད། ཚོགས་འདུའི་མཇུག་ཏུ་ཤེས་རིག་བཀའ་བློན་མཆོག་གིས་དགའ་ལྡན་ཤར་རྩེ་གྲྭ་ཚང་གི་ཚབ་ཞུས་ཏེ། དབུས་འབྲིང་རིམ་ཤེས་ཡོན་ལྷན་ཚོགས་ཀྱི་དྲུང་ཆེ་ལ་ཐུགས་རྗེ་ལེགས་འབུལ་མཚོན་ཆེད་འཇམ་དཔལ་དབྱངས་ཀྱི་སྐུ་བརྙན་ཞིག་ཕུལ་ཡོད་པ་རེད། དེ་ཡང་སྔ་དྲོ་ཤེས་རིག་བཀའ་བློན་མཆོག་གིས་ལྡི་ལིར་གནས་འཁོད་ལེགས་སྦྱར་གོང་འཕེལ་ཐེབས་རྩའི་སྤྱི་ཁྱབ་འགན་འཛིན་ལཀྵ་མཱི་ན་ར་སིམྷ་ (K. Lakhsminarasimhan) ལགས་དང་མཇལ་མོལ་གནང་ཡོད། ཚོགས་འདུའི་སྐབས་སུ་ཤེས་རིག་བཀའ་བློན་མཆོག་དང་ལྷན་དུ་ལྷོ་སྤྱི་འཇིགས་མེད་ཚུལ་ཁྲིམས་ལགས་དང་། ཤེས་རིག་དྲུང་ལས་ཚེ་རིང་དབྱངས་སྐྱིད་ལགས། དགའ་ལྡན་ཤར་རྩེ་གྲྭ་ཚང་གི་སློབ་སྤྱི་དགེ་བཤེས་བློ་བཟང་ཚེ་རིང་ལགས་དང་དྲུང་ཡིག་བསྟན་འཛིན་མཁས་གྲུབ་ལགས་བཅས་ལྷན་བཅར་ཞུས་ཡོད་པ་བཅས།།